Gitahud sa DSWD o Department of Social Welfare and Development Northern Mindanao ang katungod sa matag indibidwal partikular na sa mga benipisyaryo sa 4Ps ilabi kung hisgutan ang pagpabakuna batok COVID-19.
Kini ang gitin-aw sa buhatan nunot na sa pagtuon sa DILG o Department of Interior and Local Government nga ipatuman ang “no vaccine, no subsidy” policy alang sa mga dili pa bakunado nga benepisyaryo sa conditional cash transfer o Pantawid Pamilyang Pilipino Program (4Ps) sa gobyerno.
Hugot sab nga gitataw ni DSWD Northern Mindanao 4Ps Focal Person Oliver Inodeo nga base sa Republic Act 11310 o 4Ps Act, wala kini gilakipan og uban pang kondisyon gawas sa pagsunod sa mga kabataan niini sa pagpaeskwela, pagpakonsulta alang sa maayong panglawas ug pagsalmot sa family development session.
Gidugang pa nga taliwala nga gitahud sa buhatan ang katungod sa matag indibidwal apan, padayun gihapun ang ilang pagdasig sa pagpabakuna batok COVID-19.
