Gikatakdang ipatuman sa Southern Philippines Medical Center (SPMC) ang mandatory swab testing sa mga empleyado niini nga wala pa nabakunahan.
Sumala kang SPMC medical center chief Dr. Ricardo Audan, kada semana matud pa ipailawum sa RT-PCR test ang mga unvaccinated employees sugod karong adlawa Nobyembre 9.
Tumong matud pa niini aron maawhag ang mga empleyado nga magpabakuna ilabi nang anaa pa sa 1.17% o 67 gikan sa 5,686 populasyon sa empleyado ang wala na nakadawat og bakuna.
Hinoon giklaro nga libre ang test karong tuiga apan pag-abot sa Enero 2022 abagahon na sa mga empleyadong dili bakunado ang bayad sa testing.
