Base sa datos it Commission on Elections (Comelec) 6, sa tunga it Setyembre 1, 2020 hasta Oktubre 30, 2021, ro taeatapan hay nakaproseso it 647,586 nga mga aplikasyon para sa voters’ registration, re-activation, transfer of residence, change of name, ag correction of entry para sa paaeabuton nga May 2022 local and presidential elections.
Sa breakdown it nasambitan nga numero 56,149 hay halin sa Aklan; 47,912 sa Antique; 67,644 sa Capiz; 14,910 sa Guimaras; 223,330 sa Iloilo; ag 237,641 man sa Negros Occidental.
Base kay Atty. Wilfred Jay Balisado, direktor it Comelec Region 6, ro mga nasambitan nga mga aplikante hay paga-istudyuhan pa it Election Registration Board (ERB).
Dugang pa nana, may kabioegan nga 4.8 million qualified voters sa Western Visayas./JIL B. LACSON
