Inanunsyo ng Korte Suprema na mananatiling nasa 50% ang operational capacity ng lahat ng mga opisina at units ng kataas-taasang hukuman simula sa November 8.
Sinabi ng SC sa isang memorandum na gagamitin pa rin ang rotation basis para sa pagpapa-report ng mga empelyado sa opisina, na idi-ditermina ng kani-kanilang Chiefs of Offices o Services.
Kailangan rin ay walang sintomas na kahit ano ang mga tauhan ng korte, at mahalagang ma-monitor ito bawat oras.
Ipinunto naman ng SC na tatakbo mula alas-8 hanggang alas-4:30 ng hapon ang official work time ng trabaho nito.
