Naipasa na ng House of Representative ng panukalang national budget para sa 2022 sa Senado.
Ayon sa Kamara, ang P5.042-trillion spending plan ay naka-schedule para sa enactment bago matapos ang taon, kasunod ng maagang transmittal nito sa Mataas na Kapulungan noong Lunes, o dalawang araw, bago ang deadline.
Ang House Bill No. 10153 o ang 2022 General Appropriations Bill (GAB) ay inaprubahan sa ikalawang at pinal na pagbasa noong Sept. 30, matapos sertipikahan ito ni Pangulong Rodrigo Duterte bilang urgent.
Binigyang diin naman ni Speaker Lord Allan Velasco, na walang reenacted budget sa susunod na taon.
Ang budget, ay ang pinakamataas sa kasaysayan ng Pilipinas na para sa paglaban kontra sa COVID-19 at pagbuhay sa ekonomiya. //MHEL PACIA-TRINIDAD
