KORONADAL CITY- NAKATANGGAP ang lalawigan ng South Cotabato ng mahigit sa 53,000 doses ng COVID 19 vaccines mula sa Department of Health o DOH 12 noong Martes.
Kabilang sa pinakabagong delivery sa lalawigan ang 19,650 doses ng Sinovac, 29,000 doses ng Pfizer, at 5,000 doses ng Moderna.
Ang Sinovac at Moderna ay ituturok sa mga frontline health workers at A1 subgroups (A1), senior citizens (A2), persons with comorbidity (A3), essential workers (A4) at mga nasa NHTS-PR o poor population (A5).
Samantala, ang Pfizer vaccines na donasyon ng COVAX facility ay ibibigay naman sa A1, A2, A3, at A5, priority groups.
