KALIBO, AKLAN—Nagdangat eon sa masobra onse mil do mga nagmaeayad sa probinsya it Aklan matapos nga tamaan it coronavirus disease 2019 (COVID-19).
Base sa ginpaguwa nga datos it Aklan Provincial Epidemiology and Surveillance Unit, 108 do nagdugang sa recoveries kahapon dahilan agud nga mag-abot eon sa 11,012 do total recoveries sa probinsya.
As of September 2, 2021, humampak man sa 11,831 do kabilugan nga kaso sa Aklan kung siin 521 pa kara do aktibong kaso nga nakabutang sa mga facility quarantine, naka-home quarantine ag naka-admit sa mga ospital sa Kalibo.
Samtang, 298 eon sa makarun do nailista nga binawian it kabuhi ag kaabuan sa mga raya hay mga senior citizen nga owa pa nabakunahan. // SHERRY ANNE REUNIR-VIDAL
