KALIBO, AKLAN—Matapos do 17 anyos nga pagpanago sa laye, napasaalima eon it mga otoridad do ginakabig nga Rank number 6 Most Wanted Person sa listahan it Aklan Police Provincial Office (APPO).
Naaresto sa Quezon City do akusadong ginkilaea nga si Rufino Quindong, alyas Raffy Concepcion tubong Aranas, Balete, Aklan ag presenteng nagaistar sa Pasong Tamo, Tandang Sora, Quezon City.
Nasayuran nga do warrant of arrest kara para sa kasong 2 counts of Rape hay ginpaguwa ku June 28,2002 pa ni Hon. Judge Sheila Martelino Cortes ng RTC 6th Judicial Region Branch 3, Kalibo, Aklan ag owa it piyansang gintaeana do korte para sa anang temporaryong kahilwayan.
Temporaryo man nga sa kustudiya it Quezon City PNP do akusado ag nakataeana nga daehon sa Aklan para sa nagakaigo nga disposisyon. // SHERRY ANNE REUNIR-VIDAL
