Sa nahiwat nga pagpueong ku kan-o eamang it Provincial Disaster Risk and Reduction Management Council (PDRRMC), ginsapinal eun it konseho ro Php 14 milyon halin sa Php24 milyong Quick Response Fund (QRF) agud masuportahan ro kinahangeanon it probinsiya kaangut sa krisis it COVID-19 pandemic sa Antique.
Ro nasambitan nga balor hay paga-gamiton agud makabakae it 8 units it emergency response vehicle ag sa mga tawo nga nagakinahangean it bulig medikal.
Gamiton man raya it Provincial Social Welfare and Development Office (PSWDO) agud makabakae it mga mga foodpacks agud maparte sa mga residente nga nagpositibo sa COVID-19, mga indibidwal nga apektado it lockdown, ag mga healthcare workers nga nagpaidaeom sa quarantine.
Magahanae man it pondo sa mga medical ag laboratory supplies nga i-distribute man sa maeain- eain nga mga ospital sa probinsiya, partikular eun sa Angel Salazar Memorial General Hospital (ASMGH) ag Culasi District Hospital (CDH) kung siin kaabuan sa mga pasyente hay gintamaan it COVID-19./JIL B. LACSON
