Ginapatuman makarang adlaw hasta Agosto 31, 2021 ro border control checkpoint sa kada barangay it Sta. Barbara, Iloilo.
Kasunod raya sa pag-abo it mga kaso it COVID-19 infection sa banwa.
Bukod pa sa mga border control checkpoint, kinahangean nga magpakita ro mga naga-obra it andang company ID agud makaagi, taw-an man it certification ro mga construction workers o mga naga-obra nga uwa it maipakita nga company ID agud makasueod ag makaguwa sa nasambitang banwa.
Samantala, ma-iisue eang it sambilog ka travel pass ro mga barangay sa kada pamilya./JIL B. LACSON
