Naranasan ng Olympic medalist na sina Nesthy Petecio, Carlo Paalam, at Eumir Marcial ang pagyanig na idinulot ng 5.7-magnitude na lindol sa Batangas, na dahilan para lumabas sila sa kani-kanilang mga kwarto sa isang hotel sa Tagaytay.
Kasalukuyang naka-quarantine ngayon ang mga nasabing boksingero matapos ang kanilang matagumpay na kampanya sa Tokyo.
Sa tweet ni Petecio, ay makikita ang litrato ng kaniyang selfie, kung saan ay nasa background nito ang kapwa niya silver medalist na si Paalam at ang bronze medalist na si Marcial.
Sinabi ni Nesthy sa kaniyang caption, “Lakas! Labasan kami lahat”.
Ayon sa PHIVOLCS, tumama ang lindol sa Calatagan, Batangas kagabi bandang alas-11:08 ng gabi.
Inihayag ng PHIVOLCS na nagsisilbi ito bilang aftershock ng magnitude 6.6 na lindol na tumama sa Calatagan noong July 24.
