Tumama ang magnitude 5.7 na lindol sa probinsya ng Batangas pasado alas-11 kagabi.
Ayon sa PHIVOLCS, maituturing ito bilang aftershock ng magnitude 6.6 na lindol na tumama sa parehong lugar noong July 24.
Sinabi ng ahensya na tectonic ang origin ng lindol na naitala sa layong 15 kilometers timog-kanluran ng Calatagan at may lalim na 113 kilometers.
Naramdaman naman ang Intensity 4 na pagyanig sa Puerto Galera, Oriental Mindoro habang Inensity 3 naman ang nairehistro sa Pasig City, Quezon City, at Obando Bulacan.
Sa ngayon ay sinabi ng PHIVOLCS na wala itong inaasahang pinsala mula sa lindol.
