Gipahibawo sa Department of Health nga adunay dugang upat ka mga kaso sa Delta variant sa coronavirus ang napuno sa Cebu.
Tungod niini, misaka na sa 36 ang kinatibuk-ang kaso sa Delta variant nga na-detect sa Cebu human nasuta ang 32 ka mga kaso niadtong milabay nga semana.
Sa pagkakaron, wala pa gibutyag ni DOH-7 Director Dr. Jaime Bernadas kung asa nga dapit na-detect ang bag-ong kaso apan, giingong napahibawo na niya ang mga local government units labot sa maong kaso.
Kahinumduman nga niadtong milabay nga semana, adunay 32 ka kaso nga natala diin 19 gikan sa Lapu-Lapu City, unom sa Cebu City, tulo sa Mandaue City, duha sa Samboan ug duha sa Cordova.
