Subling nakatala ug taas nga ihap sa mga natakdan sa Covid-19 ang mga dapit sa Central Visayas.
Adunay natalang 863 ka mga bag-ong kaso ang department of health base sa Covid-19 case bulletin number 413.
Tungod niini, misaka na sa 92,059 ang kinatibuk-ang kaso sa rehiyon.
Ang mga naayo, misaka na sa 77,217 human nadugangan ug 497.
Aduna usab 30 ka mga bag-ong namatay tungod sa komplikasyon nga dala sa Covid-19 diin 17 ang gikan sa Cebu Province, 6 sa Cebu City, 4 sa Mandaue ug tulo sa Lapu-lapu.
Tungod niini, misaka na sa 2,676 ang kinatibuk-ang kaso sa pagkamatay ang natala.
Sa kasamtangan, ang aktibong kaso sa Covid-19 anaa sa 12,166.
