Umabot na sa 17,764 na mga paaralan sa buong bansa ang apektado ng bagyong Kristine.
Ayon sa huling datos na inilabas ng Department of Education (DepEd), mahigit 7.3 milyong mga mag-aaral habang 344,000 na mga guro at non-teaching staff ang apektado mula sa 12 rehiyon sa bansa.
Kabilang sa lugar na apektado ay ang CAR, Region 2-3, Region 4A at 4B, Region 5-12.
Nasa apat naman na paaralan ang binaha sa Romblon, Sorsogon, at Leyte.
Samantala, inaasahan pa ang bilang ng mga paaralan na maaapektuhan ng bagyong Kristine sa iba’t ibang rehiyon sa Pilipinas.
