Binawian ng buhay ang isang babaeng nurse matapos itong saksakin ng pasyente dahil biniro itong hindi makakauwi.
Nangyari ang insidente sa isang pribadong ospital sa Tagbilaran, Bohol.
Nasugatan rin ang isang utility worker na nagtangkang umawat sa suspek.
Napag-alaman kasing napikon ang suspek sa biro ng nurse na hindi raw ito makakalabas ng ospital kahit nakapagbayad na.
Dahil dito, pinagsasaksak ng suspek ang nurse gamit ang isang kutsilyo.
Sasampahan naman ng kasong murder at physical injury ang suspek na nasa kustodiya na ng Tagbilaran CPS.
