Sinibak pansamantala sa pwesto ang isang Police Colonel sa Region 12 na sangkot umano sa sexual harrassment sa isang babaeng pulis.
Nangyari umano ang sexual harassment sa loob ng isang firing range sa loob ng kampo.
Kaugnay nito, sinabi naman ni PNP Spokesperson Col. Jean Fajardo na batay sa kanilang records ay nasangkot na rin ang naturang pulis sa parehong reklamo noong nadestino ito sa Region 11.
Sa kasalukuyan, bumalik muna ang akusadong pulis sa Philippine National Police (PNP) Headquarters habang patuloy pa rin ang isinasagawang imbestigasyon.
