Itinalaga ni Pangulong Bongbong Marcos si Atty. Jesse Hermogenes Andres bilang Officer-in-charge at Chief Executive Officer ng Energy Regulatory Commission (ERC).
Pirmado ni Executive Secretary Lucas Bersamin ang memorandum mula sa Office of the President na may petsang September 20, 2024.
Ang pagkakatalaga kay Jesse Andres ay kasunod ng ipinataw na 6-month preventive suspension kay ERC Chairperson and CEO Monalisa Dimalanta.
Epektibo sa lalong madaling panahon ang pagiging OIC ni Andres hanggat walang bagong itinalagang kapalit.
Nakasaad din sa memo na inootorisa ang OIC na tumanggap ng representation at transportation allowances, extraordinary and miscellaneous expenses.
Bago ito, si Jesse Andres Hermogenes ang nagsisilbing Executive Director ng Inter-Agency Council Against Trafficking sa ilalim ng Department of Justice.
