Ngayong maulan at laganap ang mga sakit gaya ng dengue at leptospirosis, nagpaalala ang Philhealth na sakop ng kanilang benepisyo ang pagpapagamot para sa mga naturang sakit.
P13,000 ang maaring makuha ng mga pasyenteng may dengue fever habang ang mga may severe dengue hemorrhagic fever o yung mas malalang uri ay maaaring makatanggap ng P16,000.
Mahigit P14,000 naman ang sasagutin ng Philhealth sa mga maoospital dahil sa leptospirosis.
Sa datos ng Department of Health, mahigit 200,000 na ang nagkadengue sa bansa ngayong taon habang mahigit 2000 naman ang nagka leptospirosis mula nitong Enero hanggang Hulyo.
