Muling nanindigan si Senate Majority Leader Francis Tolentino na tanging ang Senado lamang ang may valid na warrant of arrest laban kay dismissed Bamban, Tarlac Mayor Alice Guo.
Binigyang-diin ni Tolentino ang transmittal letter mula sa Office of the Ombudsman patungong Executive Clerk ng Capas Court, Tarlac Regional Trial Court, na nag-uutos dito na tukuyin kung aling judicial region ang dapat humawak sa graft complaints ni Guo.
Ibig-sabihin nito ay wala pang jurisdiction ang Capas, Tarlac at binibigyan ng poder ang Executive Judge na pumili ng pinakamalapit na judicial region.
Samantala, nagpadala si Tolentino ng liham kay Committee on Women, Children, Family Relations and Gender Equality Chairperson Senadora Risa Hontiveros upang bigyan ang chair ng Senate inquiry ng kopya ng transmittal sheet.
