Inaprubahan ng Tarlac Regional Trial Court Branch 109 ang hiling ni Sen. Risa Hontiveros na makadalo si dating Bamban, Tarlac Mayor Alice Guo sa pagdinig ng Senado.
Base sa utos ng korte, pinahihintulutan nito ang pagdalo ni Guo sa pagdinig ng Senate Committee on Women, Children, Family Relations and Gender Equality sa Lunes.
Inatasan din ng Korte ang Philippine National Police Custodial Center na dalhin si Guo sa hearing.
Matatandaang dinidinig ng komite ang mga ilegal na aktibidad sa POGO at ang posibleng kaugnayan ng dating alkalde dito.
