Aabot sa 29 na mga kahon ng mga ilegal na yosi ang nasabat ng mga tauhan ng Police Station 2 sa buy bust operation sa Parking Lot ng Robinson’s Place Palawan, Barangay. San Manuel, Puerto Princesa City bandang alas-syete ng gabi ng Linggo, Ika-1 ng Setyembre.
Ang mga naaresto sa operasyon ay sina Arnel Sahibol Omar, 38-anyos at Ening Assan Omar, 43-anyos na parehong residente ng Brgy. Pulot Sure, Española Palawan.
Sa ulat ng PNP, nagkakahalaga ng P406,000.00 ang nakuhang kontrabando.
Samantala, nahaharap sa paglabag sa Republic Act 4712 (Tariff Law) at Republic Act 10643 (Graphic Health Warning) ang mga suspek.
