Aprubado na sang Provincial Development Council ang P32.6 bilyon nga Revised Annual Investment Program sang Capiz para sa 2025 sa ginhiwat nga meeting sang tinalikdan nga Agosto 30.
Lakip sa mga prayoridad nga proyekto amo ang pagpasanyog sang nagkalainlain nga sektor kasubong inprastraktura, turismo, edukasyon, kag madamo pa, kun sa diin, magahalin ang pondo gikan sa local kag external sources.
Kadungan sini, gin-aprubahan naman ang Supplemental Annual Investment Program no. 2 para sa 2024 kag ginpresentar ang pag-adopt sang Provincial Peace and Order Council Resolution Reorganizing the Provincial task force to end the local communist armed conflict.| Frances Joy Preciosa
