Nagpasa si Sangguniang Bayan Member Ronald Marte it Kalibo it resolusyon angot sa pag-exempt it pagsuksok it helmet kung nagasueod sa Poblacion Kalibo.
Sa pahayag kara sa Brigada News FM Kalibo, tinutuyo kara nga para madali matumod ro indibidwal nga nagahimo it maeain, kapin hay may pila ka insidente it panakawan ag shooting incident ro nagkaeatabo sa banwa, nga indi makilaea ro mga suspek bangud may suksok nga helmet.
Suno kay SB Marte, kung naubra raya sa ibang lugar ham-an it indi raya maubra sa Kalibo para makaangkon it safety ro pumueuyo.
Ro nasambit nga resolusyon hay gin refer eon sa committee on transportation, public utility, public safety ag peace and order. // ANN DESLENE SALAZAR
