Nasapwan eon lang nga owa it kabuhi ro sangka 60 anyos nga fishpond caretaker sa Brgy. Tagbaya, Ibajay, Aklan ku Agosto 28.
Sa report, ro biktima nga residente sa nasambit nga lugar hay nakita eon lang nga patay ag naga eutaw-eutaw sa fishpond.
Sa imbestigasyun, posibleng inatake sa puso ro biktima bangud owa man it nakita nga mga nina sa eawas ag owa man it indikasyon it foul play.
Nadaea pa ro biktima sa Ibajay District Hospital pero gindeklara nga dead on arrival it doktor. // ANN DESLENE SALAZAR
