Arestado ro sangka eaeaki sa ginpatigayun nga drug buy bust operation sa Brgy. Tinigaw, Kalibo, Aklan.
Ginkilaea ro suspek nga si Niño Joy Inguillo 43yo, utility it LGU Kalibo particular sa health center, ag residente sa nasambit nga lugar.
Ginbakean raya it sangka sachet it suspected shabu kabaylo it P1,500 nga buy bust money, pero sa pag body search kana hay naboe-an pa gid raya it 15 tanan ka sachets it illegal nga droga.
Hugot man nga ginpamalibaran it suspek nga ginakabig nga high value individual (HVI), nga ana ro mga narekober nga droga. // ANN DESLENE SALAZAR
