Aminado si Senador Sherwin Gatchalian na dismaydo siya sa National Telecommunications Commission (NTC) sa pagpapatupad ng batas kaugnay sa pag-regulate ng SIM cards.
Ito ay kasunod ng mga kahon-kahong SIM cards na nakuha sa mga ni-raid na POGOs.
Sa panayam ng Brigada News FM Manila kay Gatchalian, sinabi nitong tila hindi naman naipatutupad nang maayos ang batas hinggil dito, at may butas din itong hindi natalakay.
Dahil dito, isa sa target umano nilang amyendahan ay ang paglimita sa pagbili ng SIM cards.
Sakaling higit pa sa sampu ang bilhin, dapat na umano itong irehistrong ginagamit para sa negosyo.
Sa paraang ito, masisilip din aniya ang pagiging lehitimo ng negosyo.
