LEGAZPI CITY – Sinususpetsahan ng Albay Provincial Health Office na kontaminadong inuming tubig ang dahilan ng pagkakaroon o pagdami ng mga kaso ng diarrhea sa bayan ng Bacacay, Albay.
Sa panayam ng Brigada News FM Legazpi sa head ng Provincial Sanitation Team Rural Sanitation Inspector Anthony Ludovice, sinabi niya na ingestion o pagkain ng mga kontaminadong pagkain at pag-inom ng kontraminadong tubig ang maaaring dahilan ng diarrhea.
Pero sa mga kaso sa nasabing bayan, posibleng kontaminadong tubig ang pinagmulan nito. Sa report umano kasi sakanila ng Rural Health Midwife, mayroong water pump at balon na posibleng kinukunan ng tubig.
Sa ngayon ay kontrolado na ang mga kaso sa nasabing bayan. Ayon kay Ludovice, nakapagsagawa na rin sila ng water sampling sa lugar at hinihintay na lamang nila ang resulta nito.
