Inilarawan ni Davao City first district Rep. Paolo Duterte bilang isang ‘welcome development’ ang drug smuggling case na inihain ni former Sen. Sonny Trillanes laban sa kanya.
Ayon kay Duterte, mas magandang nangyari ito dahil sa Korte ng Pilipinas ang pagdinig, at hindi sa korte ng Facebook.
Sa pamamagitan aniya ng ‘move’ na ito, mapahihintulutan siyang tugunan ang mga akusasyon sa pamamagitan ng angkop at legal na mga channels.
Dahil umano kasi rito – mananaig ang katotohanan.
Sa huli, binigyang-diin ni Duterte na mahalagang mag-rely sa mga legal institutions kaysa sa trial by publicity o mga walang batayang alegasyon.
