LEGAZPI CITY – Tatawan prayoridad an mga Indigenous People sa Tiwi, Albay sa mga medical health services kan gobyerno probinsyal. An nasambit na inisyatiba, obhetong ma-improve an care access kan mga marginalized sector arog kan mga IPs sa probinsya.
Katakod man ini kan nagpapadagos na outreach program sa banwaan kun sain nagbenepisyar digdi an mga barangay kan Joroan, Mayong asin Misibis.
Tinawan doon kan gobyerno probinsyal an importansya kan pagtao nin proper health care asin nutrition services sa mga IP kun sain dapat na sa amay na edad, magkaigwa an mga ini nin marhay na salud asin may marhay na access sa edukasyon.
