Naging baliktad ang request ng mga tao sa Meralco.
Sa isang pahayag, sinabi ni Meralco Vice President at Spokesperson Joe Zaldarriaga na kapag nagkaroon ng trouble kapag nawalan ng kuryente – ang kadalasang request ng mga tao ay restoration.
Pero kahapon, kasabay ng malakas na buhos ng ulan at mataas na lebel ng tubig-baha – ang request ng mga tao ay patayin na muna ang kuryente.
Ayon kay Zaldarriaga, mula sa 650,000 na apektadong mga kabahayan, bumaba na ito sa 400,000.
Habang nagsa-subside aniya ang baha, nagsisimula na silang mag-restore ng kuryente.
May mga request na rin umano sila na natatanggap kung pwede nang ibalik ang suplay ng kuryente, at tinitingnan na nila ito.
