Giawhag sa Commission on Election-Davao ang mga wala pa nakaparehistro nga modangop na sa ilang buhatan nunot sa pagbalik sa operasyon sa human sa halos duha ka bulan tungod sa Modified Enhanced Community Quarantine.
Niadtong Biyernes Hulyo 16, balik na ang transaksyon sa Comelec-Davao ug magpadayon na kini sa pagdawat og mga aplikante gikan Lunes hangtud adlawng Biyernes alas 8:00 sa buntag hangtud alas 5:00 sa hapon.
Bisan pa man nga gidili sa City Government of Davao ang pagpahigayon og face-to-face government transactions, apan gitugutan nga ma-exempt ang Comelec gikan sa Executive Order 31.
Una nang giangkon ni Atty Gay Enumerables sa Comelec-Davao nga daghan pa ang pending applications, gamay lang ang turn-ourt sa mga nakaparehistro tungod sa quarantine classifications ug mando gikan sa Central Office.
Luyo niini positibo pa gihapon ang buhatan nga daghang mag residente ang modangop aron magparehistro ayha matapos ang deadline sa umaabot September 30, 2021. BNFM-DAVAO
