LEGAZPI CITY – Matrayumpong naisagibo an sunod-sunod na Mobile Blood Donation sa manlaen-laen na mga siyudad asin banwaan sa probinsya kan Albay sa pangengenot kan Bicol South Luzon Sub National Reference Laboratory (BSL-SNRL).
An nasambit na sarong semanang aktibidad, inisyatiba kan BSL-SNRL para makatipon nin dugo asin makatabang sa mga pasyenteng nangangaipo kaini sa mga ospital sa nasambit na probinsya.
An nasambit na grupo, nakapagsagibo nin mobile blood donation sa mga barangay kan siyudad kan Tabaco asin Legazpi, mga banwaan kan Daraga, Camalig, Guinobatan, Polangui, Malilipot,asin Pio duran.
