Wala ng buhay nang matagpuan ang isang lalaki sa mabundok na bahagi ng Barangay Villa Aurin, San Narciso, Quezon nitong Lunes, Hunyo 17.
Ayon sa report, bandang alas-11:00 ng gabi umano noong Hunyo 16 nang makarinig ng mga putok ng baril ang misis ng biktima malapit sa kanilang bahay at nang tingnan niya ito ay doon na nadiskubre ang wala ng buhay na asawa.
Narekober sa crime scene ang isang (1) fired cartridge case at tatlong (3) cartridge para sa Caliber .45.
Sa ngayon, patuloy ang isinasagawang operasyon ng mga awtoridad upang matukoy ang suspek at ang motibo nito sa pamamaril sa biktima.
