Kinumpirma ng Overseas Workers Welfare Administration (OWWA) na dalawang Pilipino ang nasa kritikal ang kondisyon matapos masunog ang kanilang tinutuluyang gusali sa Kuwait.
Kinilala ang mga biktimang sina Julio Cabrera Montemayor at Michael Dizon, na parehong nasa intensive care unit sa Adan hospital.
Ayon kay OWWA Administrator Arnell Ignacio, mahalagang alam nila ang mga impormasyon hinggil sa dalawang Pilipino upang maasikaso agad nila ang mga kinakailangan.
Nakapanayam na rin ng OWWA ang mga pamilya ng foreman at engineer, na napagalamang parehong balik-manggagawa.
Sa ngayon, 49 na ang kumpirmadong nasawi at dose-dosena ang nasugatan dahil sa nasunog na gusali, na pinaniniwalaang tinitirhan ng mga dayuhan sa Kuwait.
