Umakyat na sa apat ang mga foreign complainants na ‘di umano’y biktima ng pangto-torture ng na-raid na POGO hub sa Pampanga.
Sa panayam ng Brigada NewsFM Manila kay Presidential Anti-Organized Crime Commission o PAOCC spokesperson Winston Casio, sinabi nitong maliban sa unang Chinese na pinosas at binugbog, may ilan pang mga biktima ng umano’y pangingidnap at pangto-torture sa loob ng sinasabing ‘scam farm’.
Sa ngayon, tuluy-tuloy umano ang assessment nila sa iba pang mga POGO hubs sa Pilipinas.
Una na kasi niyang nakumpirma na halos isangdaang pang mga POGOs sa bansa ang nago-operate pa rin, kahit paso na ang lisensya.
Sa ngayon – umabot na sa 159 ang bilang ng mga nahuli na foreign nationals, at 36 na mga Pilipino sa POGO hub sa Porac.
