COTABATO CITY – INILUNSAD ng Cotabato City Health Office ang isang talakayan patungkol sa COVID-19 vaccine sa mga kawani ng iba’t ibang tanggapan ng lokal na pamahalaan sa lungsod.
Pinangunahan nina City Epidemiologist Dr. Marlow Niñal at Health Education and Promotion Officer Veronica Jumuad ang nasabing aktibidad.
Layunin nito na mapalakas pa ang kampanya kaugnay sa pagpapabakuna kontra coronavirus disease 2019 at upang mapataas rin ang bilang ng mga magpapa-bakuna sa lungsod.
Kasabay nito ang ginagawang paghihikayat ng City Health Office sa publiko na suportahan ang COVID-19 vaccination program ng Pamahalaan para makamit na rin ang herd immunity dito sa lungsod.(Jom Dimapalao)
