Tiniyak ni Senador Win Gatchalian na titignan nila ang lahat ng anggulo sa isyu ng Philippine Offshore Gaming Operator (POGO) hub sa Bamban, Tarlac na sangkot sa love at cryptocurrency scam.
Ayon kay Gatchalian, tiwala siyang hindi lang ito ordinaryong operasyon lalo na’t mukhang handang gumastos ang nasa likod nito upang maipakita online na malaki ang kontribusyon ng POGO sa ekonomiya.
Dagdag pa niya, masaklap man pero napag-alaman nilang peke ang mga address ng incorporators ng ni-raid na POGO hub kung kaya’t hindi nila ito matunton.
Samantala, isiniwalat naman niyang may kasalukuyan ng iba pang POGO hub na sine-surveillance o binabantayan ang awtoridad na pinaniniwalaang sangkot sa torture at human trafficking.
Maaalala, sa nagdaang inspection sa Pasay City ay may nakitang ‘torture chamber’ dito ang mga senador.
