KALIBO, AKLAN—Gintaw-an it award bilang mga “Pulis Magiting x Pilipinong Magiting” do tatlong personnel it Police Regional Office 6 kung siin ginkilaea kara do andang huwaran nga gin-obrang kamaeayran lampas sa gintao kanda nga duty bilang mga pulis.
Nakilaea do mga raya nga sanday Police Corporal Maxine June Parochelin, Police Executive Master Sergeant Cesar Pinuela ag Police Senior Master Sergeant Robelyn Astros.
Nasayuran nga si Police Corporal Parochelin, miyembro it Oton Municipal Police Station hay ginkilaea bangud sa pagpaabot kara it bulig halin sa ana nga buesa pinaagi sa pagpanupod it food packs sa mga tricycle drivers nga eobus nga naapektuhan it COVID-19.
Si Police Executive Master Sergeant Pinuela mat-a nga miyembro it Iloilo City Police Station 3 nga kilaea sa ana nga pagpatigayon it kaugalingon nga community pantry para sa mga kubos ag do pagpapatigayon it bible studies samtang si Police Senior Master Sergeant Astros nga nakadestino sa Iloilo City Drug Enforcement Unit hay nakilala bangud sa pagpanguna kara sa programang “Bigas Mo Itulong Mo (B.M.I)” nga may tinutuyong makabulig sa mga pobre sa Iloilo City kung siin 539 eon nga pamilya do nakabenepisyo sa nasambit nga proyekto ni Astros. // SHERRY ANNE REUNIR-VIDAL
