Nag-trending sa social media ang Kings of P-pop na SB19 matapos inanunsyong sold out na agad ang kanilang two-day concert.
Gaganapin ang SB19 PAGTATAG Finale World Tour sa darating na May 18-19 sa Araneta Coliseum sa Cubao, Quezon City.
Ayon sa kanilang post, ito na ang pinakamabilis na ticket selling kaya’t lubos silang nagpapasalamat sa kanilang A’TINs sa kanilang walang sawang suporta.
Ang SB19 ay binubuo nina Pablo, Josh, Stell, Ken at Justin, na nakilala sa kanilang mga hits na “Go Up,” “What?” at “Gento.”
###
