Matapos mapueot ro sangka wallet nga kulay gray, hay insigida raya nga gin turn over sa Kalibo MPS it sangka tricycle driver.
Ginkilaea ro nasambit nga driver nga si Glenn Carillo 39yo, taga Purok 2 Laguinbanua East, Numancia ag tricycle driver biyaheng Kalibo.
Napueot segun ni Carillo sa may Purok 2 C. Laserna St., Kalibo ro wallet nga may sueod nga P32,000 nga cash ag mga importanteng dokumento nga nakapangaean sa tag ana nga si Deo Dadivas 26yo it Calachuchi Road Brgy. Andagao Kalibo.
Ro nasambit nga wallet hay insigida man nga naibalik sa tag ana nga si Dadivas. // ANN DESLENE SALAZAR
