Nagtuga it kakoeba sa sangka babaye ro ginhimo segun kana nga pagpangbastos it sangka van driver sa may Roxas Avenue terminal sa banwa it Kalibo, ku dominggo it udtro adlaw.
Sa reklamo sa Kalibo MPS it 22 anyos nga babaye, sumakay raya sa van nga may biyaheng Kalibo-Caticlan vice versa.
Ginpaeapitan segun imaw it driver nga ginkilaea eamang kay alyas ‘Bukaw’ ag ginkutana it pila ka personal nga bagay.
Bangud sa kahadlok hay nagpanaog it van ro babaye kung siin, nakita pa kara nga ginpaeapitan it nasambit nga driver ro nagabaligya it mani ag ginbuytan sa dughan.
Insigida segun kara nga gintawgan it babaye ro anang asawa ngani nag agto raya sa nasambit nga terminal ag kinompronta ro driver nga insigida nga nagpanaw.
Ginpakamayad nga ireport it complainant sa pulis ro nasambit nga insidente. // ANN DESLENE SALAZAR
