KALIBO,AKLAN—Eowas nga gin kostudiya sa Kalibo MPS ru sangka 50 anyos nga eaeaking hilong matapos magwala ag maghaboy it bato sa Jayme Cardinal Sin Ave sa banwat Kalibo.
Nasayuran nga ru eaeaki hay residente it Brgy. Toledo, Nabas, Aklan.
Gin dakup it mga kapulisan ru nagwalang hilong ag gindaea sa nasambit nga PNP Station para makapahuway.
Sa pagwala it eaeaki, nagtuga it eskandalo sa lugar rason nga nagpabulig ru mga naga trabaho sa bar para marespondehan it mga kapulisan.
Sa makaron, gina hueat pa ru pagbugtaw ng eaeaki para maipa uli sa anang pamilya. //MARIVIC Y. ILIN
