KORONADAL CITY – INILUNSAD ng Department of Trade and Industry o DTI region 12 ang ika-12 One Town One Product o OTOP Hub sa Soccsksargen. Ang pinakabagong OTOP Hub ay makikita sa ground floor ng Mall of Ace Centerpoint sa Koronadal City at pinapatakbo ng Bigbee 8 Pasalubong and Souvenirs.
Kabilang sa mga mabibili sa OTOP Hub ang mga processed foods, accessories, wearables, at iba pang mga produkto ng mga Micro Small and Medium Enterprises o MSMEs. Kasabay ng launching, lumagda sa memorandum of agreement o MOA sina DTI 12 Regional Director Flora Gabunales at DTI South Cotabato Director Rictoniel Reginio at may-ari ng Bigbee 8. Nananawagan naman ang DTI sa mga consumers na suportahan ang mga local products.
