LEGAZPI CITY – Nagpaluwas na nin pahayag an Legazpi City PNP mapadapit sa insidente nin pagharang asin pagpasa kan motorista sa windshield kan sarong modern jeep sa may parte kan Brgy. Gogon kan nasambit na syudad.
Segun sa hepatura, kinukondenar ninda ini na nagkawsa nin alarma asin takot sa mga pasahero kan nasambit na modern jeep.
Pigsiyerto man kan Legazpi PNP na masagibo sinda ki mahigot na imbestigasyon nganing maaraman an motibo kaini.
Nangangapodan man sinda na makipagtabangan asin ipaabot sa sainda an anuman na impormasyon na makakatabang para sa saindang imbestigasyon.
