Umabot na sa 614 ang naitatalang kaso ng dengue ng Provincial Health Office sa lalawigan ng Zambales.
Ito ay base sa record mula unang araw ng Enero hanggang ika-26 ng Hunyo ngayong taon.
Ayon kay Provincial Health Officer Dr. Noel Bueno, mas mataas ito ng 140.78% kung ikukumpara sa dating record na 255 sa kaparehong buwan.
Samantala, may mga ginagawa naman aniyang hakbang ang mga lokal na pamahalaan para hindi na tumaas pa ang bilang ng mga tinatamaan ng dengue.
Paalala rin ni Bueno sa publiko na gawin ang 4s habit na kinabibilangan ng search and destroy, self-protection measures, seek early consultation at support fogging o spraying.//Jen Bayot-BNFM OLONGAPO
