Umabot na sa 750 thousand ang bilang ng mga nagparehistro sa Commission on Elections para sa 2025 midterm elections.
Ayon kay Comelec Chairman George Garcia, ang bilang ay mula nang buksan ang registration period noong February 12 hanggang kahapon February 28.
Sinabi pa ni Garcia, na ang mataas na bilang ng mga nagparehistro ay maituturing umanong unusual at extraordinary.
Ito’y dahil noong unang linggo ng rehistrasyon ay hindi na-obserbahan ang malaking bilang ng mga tao sa mga registration areas.
Naniniwala ang poll body na epektibo ang kanilang awareness campaign at register anywhere project dahil dumami ang mga na enganyong magpa-rehistro.
