Binati kagabi ni Pangulong Bongbong Marcos si Indonesian Presidential candidate Prabowo Subianto, na nangunguna sa presidential election.
Sa kanyang X account, sinabi ng Pangulo na umaasa syang mas magiging malalim pa ang bilateral ties ng Pilipinas at Indonesia, na itinuturing nyang close neighbor at partner sa Association of Southeast Asian Nations o ASEAN.
Lalo na’t ipinagdiriwang ng dalawang bansa ang ika-75 taon ng diplomatic relations ngayong taon.
Si Prabowo ang napipintong papalit sa pwestong iiwan ni outgoing Indonesia President Joko Widodo.
