Arestado ang isang e-trike driver matapos nitong sigawan at minura pa ang isang pulis sa Tondo, Maynila.
Sa ulat ng Manila Police District (MPD), naka-illegal parking ang driver kaya’t nasita ito ng kanilang tauhan.
Sa halip na makipagtulungan, nanlaban ang driver na siyang nagresulta sa kanyang pagkakaaresto.
Nahaharap ang e-trike driver sa kasong paglabag sa Direct Assault at Resistance and Disobedience to Persons in Authority.
