Owa eon it kabuhi kat nasapwan ro sangka eaeaki sa sueod it anang baeay sa may Brgy. Tambak, New Washington, Aklan makarun nga hapon.
Ro biktima hay sangka tricycle driver ag naga isaeahanon eang sa anang baeay.
Bangud napan uhan segun it anang kaeapit baeay nga owa raya nagaguwa it baeay hay ginsueod nanda raya ag nakitang nagakaya ro biktima nga may buyot pang silhig.
Ginapatihan nga inatake raya samtang naga limpyo it anang baeay bangud may masakit segun raya sa taguipusuon.
Sa makarun hay padayun pa ro imbestigasyun it mga otoridad sa rasun it pagkamatay it biktima. // ANN DESLENE SALAZAR
